2016年香港馬匹拍賣會，彈出一匹「巴基之星」，雖然上月一仗玩罷跑，搞到馬迷雞毛鴨血，但此駒已升至113分，取得獎金$15,316,200元，相對於600萬的身價，無論怎看都可算十分成功。
至於2017年售出的香港拍賣馬，雖然未再見「巴基之星」般全城矚目之馬，但暫時亦有720萬的「旅遊皇者」一戰一勝，勢成新季明星馬之一。
不過，不是每一匹香港拍賣馬都這麼順利，在今屆以320萬成交，由莎莎老闆郭少明投得的A309「美麗名星」，還未上陣便遇到挫折。
3歲澳洲馬「美麗名星」由大摩訓練，本來一直如常力操，本月6日還被安排拍跳彈草閘，但之後便未再現身，原來並非刻意唞暑，而是其左前腿上半截懸韌帶撕裂，看來下季初冇咁快跑得。「美麗名星」與6捷之「花月流星」同父，一旦康復冒勇，兼以大摩功力，相信前景毋須太悲觀。