港產球迷感人故事傳到返利物浦市！紅軍上周訪港期間，一位利迷Nic追訪紅軍隊長佐敦軒達臣，然後獲深受打動嘅「神軒」上周四喺ig主動私訊邀請約會嘅故事，輾轉間傳回利市，Nic同神軒嘅故事仲獲得當地《回聲報》報道。
好多球迷會問點解神軒會知道Nic嘅ig帳戶從而私訊？原來上周四Nic將自己攜同神軒人型紙牌追星嘅相上載喺ig兼tag神軒，更厲害嘅係原來ig有150萬followers嘅神軒都有留意，然後認得Nic同他嘅紙牌，所以先會有之後嘅舉動。Nic笑言當日第一刻以為係詐騙短訊，「球迷追星失敗係常見事，軒達臣實在冇可能去照顧每一個球迷，這份窩心就係我最想向香港利迷分享嘅事。」Nic仲話希望未來同神軒喺利物浦有個約會。