前全國政協劉夢熊今年2月出獄後，不忘狙擊反目成仇嘅梁振英，而經過呢次患難，尖啤身邊依然有位不離不棄嘅紅顏知己何綺雲，早排八方同事見到佢哋繼續行孖咇嘆下午茶。
當日下晝約4點幾，尖啤同紅顏知己去中環置地廣場嘆下午茶，一入座就揀咗卡位，兩個坐埋一邊。只見佢哋兩個好似老夫老妻咁，說話唔多，一坐低就不停玩電話，其間尖啤不停用手機睇YouTube，雖然用嘅係摺機，但都係可以上到網嘅智能電話。至於佢嘅紅顏知己就睇新聞，睇完手機後，就開始同尖啤傾吓偈。大概10多分鐘後，尖啤嘅兩位朋友先後嚟到坐佢哋對面，但朋友到埗後，尖啤繼續睇手機，到底有乜片咁好睇，令佢一整日咁沉迷？