【本報訊】立法會DQ風暴，打亂了新政府刻意營造的和風，有民主派促政府勿乘人之危，別將兩次議員出缺合併補選，因一般相信原屬民主派的6席，至少2席落入建制手中。新任行會成員、工聯會黃國健指補選安排應順其自然而非「夾硬」合併，「兩個議席嘅得失，相比起成個政壇嘅和諧，我覺得後者重要啲」。但談到修改《議事規則》阻拉布，其態度強硬得多，指若有此機會而不把握，難以向支持者交代。
黃國健接受《蘋果》訪問時直言，今次4名民主派議員全被褫奪資格是始料不及，對於有建制派認為可趁機爭取更多議席的想法，他有保留：「夾硬合併（補選）去搶兩個議席而犧牲咗立法會回復正常，相對而言冇乜好處‥‥‥（建制）攞多兩個議席唔見得你可以做多好多嘢。」
指和諧重要過兩議席
他指議會恢復正常運作才是關鍵，「𠵱家事無大小都拖到你暈，咁拖落去係攬住死」，認為當局對補選安排應順其自然，「唔好刻意去做」，若兩次補選相距時間原本極長，「夾硬合併個形象會好核突」，亦不應犧牲現已逐步建立的議會和諧。問及不少建制派開腔「施壓」促合併，黃指：「有可能有人咁諗，但嗰個一定唔係我！」
坦言對改例不樂觀
除了力促合併補選，部份建制派亦欲在DQ四議員令民主派痛失分組點票否決權後，修改《議事規則》力阻拉布，認為政壇和諧比議席重要的黃國健卻支持趁機修改《議事規則》。
他說：「建制派支持者對於拉布係深惡痛絕，個個都『媽媽聲』；泛民要遷就支持者，建制派都需要㗎！」
他指以前落區被支持者批評為何不阻拉布，仍可解釋因為不夠票通過，現在夠票卻不做，難以向支持者交代，「下次選舉呢啲票會流失」。但黃坦言對改例不樂觀：「因為有啲人要扮君子、扮淑女，大家都預期（改例）會有激烈抗爭……建制派走兩票就冇（無法通過）。」
■記者陳雪玲