5年一屆嘅港區人大代表選舉年底換屆，范徐麗泰話明唔再選人大，換言之佢嘅人大常委席位要搵人接替，但睇勻現有資深嘅港區人大代表中，似乎冇人咁有江湖地位，反而現為全國政協委員、曾任基本法起草委員會委員嘅譚耀宗似乎係適合人選，有助幫阿爺穩住可能陸續有嚟嘅釋法大局，所以佢即將轉戰人大平台，只要一報名參選，就幾可篤定高票當選，其後循例經人大會議象徵式投票，肯肯定獲選常委。
譚耀宗噚日被問到係咪轉戰人大時話喎，好多人建議佢選人大（唔知包唔包括京官？），自己都積極考慮，又話願意參與更多，為國家建設事務。至於係咪接任常委嘞喎，佢只係話要成為人大代表後先得㗎喎。