上季贏出25場頭馬，並獲得「告東尼獎」的本地騎師梁家俊，馬季唞暑後和懷孕的太太李潔瑩（阿Kit）去了日本旅行。大肚婆通常唔食得生冷嘢，但阿Kit一於好少理，話西醫冇乜叫佢戒口，於是去到日本就照食雪糕。
腹大便便的阿Kit陀住第一胎，目前看來狀態唔錯，而佢老公仔家俊亦正在康復中。早前梁家俊因為急病入院造手術，因而在馬季最後三次賽事均缺陣。究竟佢當時的情況係點呢？
梁家俊透說：「因為我的小腸有瘜肉，導致『腸套叠』的問題，需要立即做手術，切去部分小腸和割除瘜肉，手術後需要休養，現時傷口已埋口，康復進度理想，相信不用等太耐便可以操馬。新馬季我希望少些傷患，陣上亦少些意外，盡量贏多些頭馬。」