近期NBA最爆嘅轉會傳聞，肯定係騎士K艾榮（Kyrie Irving）要求離隊。據講艾榮對於呢單消息被洩漏出嚟好鬼嬲，而有傳爆料嘅人，竟然就係艾榮最不滿嘅勒邦占士（LeBron James）。到底邊隊有本事可以交易到呢位明星控衞仲要拭目以待，木狼想用2014年騎士選嘅狀元A域堅斯（Andrew Wiggins）送返去；紐約人方面就麻煩啲，因為安東尼（Carmelo Anthony）一心要去火箭，令紐約人冇乜籌碼可以交易。不過無論點變，占士喺騎士就好難變，因為佢無意取消佢合約上面嘅拒絕被交易權條款，會唔會留喺騎士，繼續由佢自己話事。