「香港足球小將」又嚟嘞！ 17歲香港仔中場戴偉浚效力嘅英甲球隊貝利，周三凌晨兩點半，即係今晚半夜友賽作客由曼聯92班嘅傑斯同史高斯等五位仁兄做老闆嘅沙福特城，應該一如之前都有上陣機會。
之前貝利三場熱身賽，戴偉浚不論正選後備都起碼有半場踢，鬥馬斯菲爾仲踢足全場，曾經獲得教練奇勒讚賞進步明顯，而一隊教練基斯巴斯亦讚過佢「令人留下深刻印象」。戴偉浚已經同球隊簽咗三年約，餘下嘅可以話就係博取英甲正選機會。
英甲八月五號開季，今場係貝利最後一場友賽。咁啱得咁蹺，今場對手係港人好熟悉嘅紅魔92班……嗰隊沙福特城。唔知傑斯同四位92班會唔會落場呢?