雖然颱風「洛克」來得快完得快，但早上一掛8號波，市民已啟動「打風模式」。打風睇戲已成港人標準動作，時代廣場UA戲院中午人頭湧湧，即場售票處排起長龍。梁生一家4口本計劃趁周日探望長輩，「但因為打風車停晒，老人家又住得遠」，決定就近買票睇戲。他指雖然市面風雨不大，「可能呢面冇雨，但其他地方好大雨」，認為應相信天文台判斷。
Keith計劃與女友約會，自稱是隨機應變，見打風即改去看電影。他指天氣其實不算差，但要掛風球亦無辦法，更打算等書展重開再入場。
打風亦令小精靈訓練員盛況再現。銅鑼灣時代廣場鐘樓下中午有大批市民聚集，人人做低頭族不停篤手機，不少人原來是因為《Pokemon GO》昨日更新，一眾玩家首度有機會捉神獸。
Pokemon GO Telegram群組「灣仔谷」谷主小吉是鐘樓下苦戰的一員，她指一眾現家苦候神獸出現多時，昨日一早已空群而出，為捉急凍鳥先到筲箕灣，再在銅鑼灣群戰路基亞。
小吉指神獸要合多人之力擊倒後，方有機會捕捉，時間只有兩日，趁星期日加打風奮戰，「聽日要返工就唔得閒。」