上周六英國高球公開賽第三日賽事，南非球手格雷斯造出低標準桿嘅62桿，創下157年來首位球手喺大滿貫賽事單日造出62桿的歷史。29歲嘅佢喺全日18個洞未有造出高一桿「柏忌」，並先後喺第一、四、五、八、九、14、16同17洞造出低一桿「小鳥」，嚟到第18洞四桿洞亦以標準桿完成，令英國公開賽經歷31次單日63桿後，終於產生首張62桿計分板！