今次搵麥玲玲實測超人有份投資嘅日本護膚品，事前要求佢素顏上陣，佢毫不抗拒，原來佢素顏都幾得，唔會好似藝人明星咁，一落妝就面目全非嚇親人。
以為身家豐厚嘅麥玲玲日夜內外進補？No No，麥玲玲話佢好鬼懶，從來唔做facial，「成世人做過一次，做成兩三個鐘，好嘥時間！」對於好多model叫人日日敷mask，佢因為皮膚敏感唔敷得，又覺得「敷mask好似燒傷病人咁，男人其實幾怕見到女人敷mask㗎」。
麥玲玲平日如果唔使上電視或者影相，多數唔化妝，日頭連防曬都唔塗，去到夜晚瞓覺前先至塗面霜。不過，佢比較注意飲食，早上一定食一碟水果，香蕉、木瓜、火龍果一定有，再加時令水果。
說到底，佢相信，皮膚有七八成都係天生，早睡早起，食得健康係不變道理。