車路士星期六喺北京舉行嘅友賽以3:0大勝阿仙奴，但西班牙球星柏度洛迪古斯上半場已經喺一次進攻時畀出迎嘅阿仙奴門將奧斯賓拿打爆鼻而血濺球場，喺球場上治理咗約5分鐘，直到佢可自行步離球場，及後因為可能腦震盪而被送院。不過柏度晚上喺Twitter報平安，話自己一切都ok同多謝大家。最令人驚訝嘅，相信係當時球證吹罰咗柏度，而撞到佢爆鼻嘅奧斯賓拿就得到罰球。
車仔領隊干地喺賽後就話，柏度應該冇乜大礙，而據車仔官網透露，呢位西班牙翼鋒喺北京留院一晚後，周日將會直接飛去倫敦，唔會歸隊出戰新加坡對拜仁慕尼黑同國際米蘭嘅友賽。