書展噚日喺8號波除下後重開，估唔到同時平息咗另一場風波。才子陶傑喺fb分享於書展現場同黃毓民嘅合照，仲留言呼籲停火，「各方勢力、各階層，拜託請暑假停火，風球走了，書展重開，是時候休息進修，閱讀入貨」；毓民同樣喺fb上載多張同陶傑嘅合照，兩人笑容非常燦爛，令一眾網民高呼「世紀合照」、「破冰了」。
點解網民會話兩人破冰？因佢哋多年前被指因為商台公事結怨，但近年似乎已經收晒火，去年立法會選舉陶傑更開名撐毓民，「至於引起巨大爭議者如黃毓民，不論其背景及其罵人的激動，只看其投票表現，正如勤政的劉慧卿，香港未來5年仍然需要這個人」，呢啲唔知係咪叫一「照」泯恩仇？