「黑帝」咸姆頓除咗係一名F1車手，亦係潮童一名。不過，佢嘅品味如何，就見仁見智嘞！F1匈牙利站要喺禮拜五先至展開，呢名32歲平治車手日前趁空檔就走咗去變髮，大玩辮子頭，仲嗱嗱聲將新形象上載到佢嘅ig社交網頁，公諸同好。可惜，曾三奪世界冠軍嘅黑帝梳咗辮子頭之後，將佢過高嘅髮線表露無遺，加上五短嘅身材，真係好難同個型字扯上關係囉！