【特稿】
自2004年當選立法會議員，今次已是社民連「長毛」梁國雄第二次任期內告別議會，但上一次是為發動變相公投，於2010年自願辭職，今次就是遭前特首梁振英以法律手段取消議席。對於離開議會，長毛說得輕鬆、亦無不捨：「我返唔到嚟做議員我會死咩？」直言就算下周一（31日）被判公職人員行為不當罪入獄、甚至以後也不准參選，社民連及其政治理念仍會存在，「你估你殺得死我咩？殺唔到㗎！」
張超雄：議會火力大減
長毛直言就算不再做議員，「呢個世界都唔會死」，重要是「我要個派別贏吖嘛」；政府雖可剝奪其議席，「你（政府）可以殺死我哋嘅政治（理念）咩？」縱使如此，長毛仍表明一定要阻止政府「殺我哋」，因為「呢個就係抗爭」。
談到理念、抗爭，長毛早說過最不捨的議員包括有「社福界長毛」之稱的工黨張超雄，長毛訪問時也不時以「社福界長毛」稱呼一同受訪的張，當記者問張日後會否繼承長毛抗爭手法，長毛即向張笑說：「佢（張）性格做唔到，如果佢都好似我咁，香港好大問題㗎嘞！」
張亦笑着答：「始終要去肢體衝突，我哋好難做得到，長毛呢啲係無得代替，但我覺得長毛精神要留喺度。」張更形容長毛是立會抗衡政府力量的「power house（發電廠）」，「佢火力好猛，我覺得喺議會度，直情係我哋有一座大炮喺度，可以轟到政府爛晒，但𠵱家我哋火力減咗一半，真係減咗好多，我自己火力係咪可以加呢？我都好想加，我覺得我喺議會的責任更大」。若未來情況許可，張希望能找被DQ的民主派人士協助分析政府文件，再代為在立會發表。
■記者林俊謙