碧咸嫂Victoria係潮流界代表，現時專注發展個人品牌，佢係紅極一時嘅組合Spice Girls成員嘅身份，原來唔係個個都知，起碼佢6歲嘅寶貝女哈七（Harper Seven）都係啱啱先知。
Spice Girls喺2000年已經停止活動，雖然曾經一度重組，但都已經係幾年前嘅事。Victoria近日於Instagram公開哈七玩辣妹公仔嘅短片，見到哈七將全黑造型嘅媽咪Victoria公仔拎上手，除咗話「哈七愛Spice Girls公仔」，仲話「當發現媽媽曾是流行歌手」似乎哈七都係啱啱先知媽咪曾係辣妹成員。