早前香港小姐進行面試，除了「間尺鼻」Angelica令人印象深刻之外，其實有幾位參賽者質素都不俗，她們未必是最靚，但性格、背景各方面都非常有話題，惜最終沒有入圍。
其中27歲的事務律師徐天華（Flora），練泰拳5年的她，面試前本來在泰國打泰拳，得悉有機會面試便立即買機票回來，還為參選辭去事務律師一職，雖然未能入選，但她表示不後悔。她又說：「我對自己樣貌好有信心，我唔覺得自己係傳統香港女仔嘅美態，我皮膚比較黑啲、可能又比較肥嘟嘟，傳統上未必有咁樣嘅美態，但唔代表你唔靚，香港係一個多元化嘅地方，都可以接受好多唔同種類嘅美態。」面試當日，Flora被網友笑她似William Hung（孔慶翔），Flora表示不介意，反而大讚網友具創意。