美洲金盃上周六上演四強大戰美國對哥斯達黎加，美國善用金盃賽制，喺淘汰賽階段重召丹普西、侯活等主力，實力大增，今場就靠丹普西一傳一射贏波，呢位34歲老將先喺72分鐘妙傳畀艾迪杜里建功；82分鐘佢再射入靚罰球鎖定2:0勝局，亦以57球追平當路雲嘅國家隊入球紀錄；美國晉級周三決賽，會對墨西哥對牙買加嘅四強勝方。