踏入暑假，大家不時都會睇到足球明星趁唞暑趕結婚，不過，唔少女網球手都鍾意做夏日新娘。喺上個星期就有三位網壇靚女結婚，首先係上周一步入教堂嘅比利時球手韋美雅；跟住喺上周六，捷克雙打專家夏慧高娃同波蘭靚女拉雲絲卡亦舉行婚禮，其中拉雲絲卡喺老家波蘭同陪練些迪嘅婚禮，嘉賓可以話星光熠熠，有包括丹麥嘅禾絲妮雅琪同德國前一姐姬芭等。