【香港書展2017】尹天照和葉家寶前晚出席書展「我和小屋有個約會真情分享會」，久未現身的尹天照，自稱五年前因覺得很迷惘而信奉基督，個人行為亦有所改變，他說：「我信嘅第一日就戒煙冇講粗口，好多嘢慢慢改變，學習謙卑，懂得遷就別人。」
葉家寶負責的創世電視亦有一連串製作，包括遊戲節目《創世百萬富翁》、《創世星光大道》。該些製作曾經在亞視出現過，葉家寶直認不諱：「好節目值得改良，仲有《感動香江》。」
方健儀懷念發叔
而昨早書展因8號風球一度要停開，藝人原定舉行的簽書會要取消，而方健儀、任達華及阮兆輝比較幸運。下午4時，方健儀出席廉政公署親子活動，向小童講故事，她笑說：「原先book咗化妝、整頭，後尾取消咗，呢身打扮自己搞掂，難得今次幫舊公司廉政公署講故事，十分期待，覺得落雨有乜好驚，最終好彩冇影響。」她即場分享以前做記者的採訪經歷，又談到劉皇發病逝：「好耐之前曾經訪問過發叔，覺得好可惜，唔開心，希望家人節哀。」
華哥訓練囡囡EQ
任達華出席相集「香港．別的風景」座談會，談到張學友女兒成為傳媒追訪目標，華哥囡囡會否也怕出鏡？他說：「我個女𠵱家好怕影相，想同佢影張相都難，我同佢講要EQ高啲面對一切。」
至於為著作「生生不息薪火傳」舉行座談會的阮兆輝，則暢談在粵劇界六十多年的點滴。林作昨晚現身宣傳著作時笑言，要媽咪買幾千本谷銷量。
採訪：黃曉妍、卓寶花
攝影：陳俊強