林欣彤早前為新歌《奇怪》宣傳，新歌講述因輿論壓力被迫害的一群：「𠵱家好多平台都公開，所以每個人都可以受到呢一種壓力。有時候被網友批評，我都諗係唔係我特別奇怪呢？但係我覺得，奇怪都可以係一種魅力。」她表示曾被網友叫去死，從前的她會很上心，如今學會一笑置之：「有啲人係真心畀意見，我會檢討。」
林欣彤直言經歷過情緒病，不會刻意建立形象，反而樂於做自己。私下的她樂於為朋友做「垃圾桶」，分擔心事，問她是否朋友間的天使？林欣彤甜笑說：「我希望自己嘅歌聲可以治癒到人哋，咁樣先令我嘅工作有價值同意義。」
採訪：盧妹
攝影：陳順禎
場地提供：Toscana Restaurant & Bar