八號風球，有人歡喜有人愁，事關噚日渣打舉辦嘅慈善家庭跑同合家歡嘉年華，因為天氣關係取消咗，而且唔會改期舉行。
渣打方面話，由於活動本身要封路，一旦取消咗，好難繼續或改期，深感抱歉之餘，連自己都感到非常失望。
渣打慈善家庭跑個facebook page仲有啲愁雲慘霧，活動取消個post有超過100個喊樣，有家長話囝囝好失望，亦都有家長話畀咗錢，但只係拎件Tee，不過大部份家長都抱正面態度嘅。
渣打話，活動已經籌到200萬元，籌得嘅捐款唔會退回，全部捐晒畀慈善機構，奧比斯、防癌會、殘疾人奧委會暨傷殘人士體育協會都受益，呢件絕對係開心事，幫到人先最重要。