【本報訊】回歸20年，香港僅成功通過了一次政改。前特首曾蔭權稱，當時是經過很多努力和「摸底」，又借機暗批前特首梁振英未有做好北京和港人的橋樑角色，令近年港人與中央越走越遠，直言要令政改通過「冇得急㗎」。
指要令政改通過「冇得急」
曾蔭權提到2005年那次失敗的經驗時稱，當時是硬着頭皮推動，亦明白到普選問題沒有時間表和路線圖就難以討論，因此2007年人大常委會決定的普選時間表，對他來說是很大的感慨，亦是很大的鼓舞，而為了令政改通過，他作過不少斡旋、努力和「摸底」，「特別民主黨裏面，有司徒華先生喺裏面，真係可以揸到大旗做到工夫」。
上次梁振英管治下的2015年政改不但引發佔中，更令政改以大比數否決。曾認為港人、中央、港府、議會之間的互信很重要，故他直言「做行政長官有一樣嘢就係做出一個橋樑嘅角色」。曾指中央雖很清楚香港的意見，「佢（中央）所有報紙都睇晒，你香港啲電台佢日日都望到」，「但係佢（中央）望唔到就係喺香港各個政黨、政團、香港市民裏面冇講過出到嚟，背後能夠可以妥協嘅空間喺邊度」，認為作為特首掌握到這些空間，又清楚中央底線後，「可唔可以挖空多啲妥協嘅空間，喺呢兩個妥協嘅空間裏面找出一個共同點，就喺呢度做工夫」，是故要令政改通過是「冇得急㗎」。
■記者呂浩然