【本報訊】曾經細絕全港，實用不足200方呎的長實（1113）大埔嵐山劏房深受辣招綑綁，鎖匙盤絕無僅有，然而隨着辣招陸續鬆綁，記者日前直擊一個不足200方呎的嵐山劏房，僅住了兩年已有多處殘破。業主決意止賺離場，但叫價380萬元勁狼，呎價1.94萬元，較太古城更貴。
方形空間僅87方呎
3年前長實大埔嵐山開賣，實用不足200方呎的劏房被形容如囚室。劏房放盤短缺，除發展商開放示範單位外，二手劏房盤一直未見「真身」。入伙至今，劏房錄逾10宗二手成交，大部份不睇樓即買，有業主見好賺，甚至「硬啃」額外印花稅。
隨着辣招鬆綁，劏房鎖匙盤終於「現身」，為9座高層戶，實用196方呎。記者日前直擊這個難得一見的劏房鎖匙盤，無房間隔，向東南，外望吐露港，左邊翠綠山景，慶幸非向墳景方向。業主2014年以逾200萬元買入，兩年來一直收租每月7,900元，坐享逾4厘回報。出租2年多，內櫳多處殘破，牆身有沙眼有污迹，收水裂紋既長且深，大門旁邊牆身的裂紋由天花伸延至地板，坑紋盡現。廁所亦污迹處處。
撇除大門小玄關，廳房廁合一的方形空間8呎乘10呎10吋，面積近87方呎。所謂開放式廚房，是沒有煤氣喉的鋅盆連櫃面，內連洗衣機來去水喉。87方呎空間擺了床後空間剩餘不多。
業主叫價380萬元，呎價高達19,388元。比較同類劏房，上月份8座11樓A室，實用180方呎，338萬元成交，呎價18,778元，今次業主叫價更癲，嗌高3%。指標屋苑太古城呎價徘徊1.6萬元，新近成交如銀栢閣低層D室，實用922方呎，成交價1,550萬元，呎價16,811元。今年太古城5宗同呎戶成交，最貴一宗紫樺閣高層戶，今年5月以1,720萬元售出，呎價也只是18,655元。
【業主意見】
蔡太：「有啲二人家庭上唔到車，惟有諗細單位，變咗越來越多人爭細單位，其實區區細單位都貴，唔係淨係呢度。」
盧太：「買咗點知會升得咁多啫！度度都升，有邊度山旮旯唔升㗎。有啲樓盤環境唔好都咁貴，何況呢度咁好環境。」
