現年81歲的化妝大師陳文輝，於04年退休離開無綫，近日傳病重入院，據悉吸煙多年的輝哥一個月前發現患上肺癌，目前於港島區一間醫院接受治療，由於家人擔心輝哥年紀大，接受化療會太辛苦，所以決定安排輝哥接受中藥治療。記者前晚向輝哥細仔、前無綫化妝師陳志達了解輝哥是否患上肺癌時，阿達說：「佢𠵱家係穩定嘅，佢接受緊治療，休養緊，我係樂觀嘅。」
自從輝哥發現患癌後，家人一直悉心照顧他，尤其是與輝哥結婚19年的第二任太太Deborah，連月來貼心照顧。記者昨日跟輝嫂Deborah聯絡，問輝哥是否患肺癌時，輝嫂說：「𠵱家癌症喺現代人都好普遍，唔係淨係佢，唔需要太過驚慌。」那麼是否指輝哥患癌？輝嫂說：「有同冇有乜分別？佢身體唔係好舒服，𠵱家打緊仗，我哋係好全力去支持佢嘅。佢年紀大，病就一定有。」
冇乜胃口
問到輝哥現時情況，輝嫂說：「佢OK嘅，冇以前後生咁食得啦，我哋都會鼓勵佢食嘢，最緊要心情開朗。我都同佢講加油，大家加油。我哋家人、朋友都畀最好嘅支持佢。我今日都有睇報紙寫佢，又唔係講得咁嚴重嘅。」
採訪：魯吉
