雖然賽前天文台掛咗一號戒備訊號，又撞正「大暑」，不過天氣相當好，球迷由地鐵站行上去球場肯定身水身汗，而每次有大型賽事都會有啲商號趁機做宣傳，噚日就有人喺球場外圍派紙扇畀球迷。天氣咁熱，球迷見有紙扇派，當然唔客氣啦，負責派扇嘅長髮囡囡（中），基本上一拎啲扇出嚟，轉眼間就已被球迷拎晒。