【本報訊】本港確診全球首宗輸血感染日本腦炎個案，46歲的男捐血者，家住天水圍嘉湖山莊，令不少居民擔心感染日本腦炎。衞生防護中心昨早於嘉湖山莊景湖居會議室舉辦「日本腦炎健康講座」，向居民講解防蚊措施。有居民表示屋苑蚊患頗嚴重，希望加強滅蚊。
穿長袖衫外出
景湖居業主委員會主席謝建升表示，講座上衞生防護中心職員向居民講解會導致日本腦炎的蚊種及防蚊措施，「呢隻日本腦炎嘅蚊，衞生防護中心職員講通常喺黃昏到第二朝朝早出現，叫居民如果呢一段時間真係要外出要着長袖衫，或者噴蚊怕水」。謝續指，屋苑長期都收到居民投訴多蚊，特別雨季多積水，蚊蟲較易滋生，「好多時一落到樓下都好多唔同嘅蚊，俾佢咬，或者好多細嘅蚊仔」。他表示業委會會要求清潔公司增加屋苑滅蚊次數。過往屋苑每一、兩個月才進行一次大型滅蚊行動，包括噴滅蚊噴霧及撒蚊油，屋苑內除安置有滅蚊機，燈柱亦貼有蚊貼。
記者現場所見，燈柱上的蚊貼均黏着密密麻麻的蚊蟲。居民王女士對事件感到擔心，「如果係嘉湖，咁係唔係即係周圍啲蚊係有事呢？」她續指，平時屋苑公園多蚊，會自製滅蚊膏，外出時亦穿着長袖衫長褲。居民張同學住在高層，但偶爾都會有蚊入屋，她認為屋苑多綠化工程是導致蚊蟲滋生原因，特別最近雨季出現積水問題，「積水處理得唔係好好，一落大雨就好容易有積水，之後就會有好多蚊」。
衞生防護中心昨在嘉湖山莊附近進行問卷調查，涉及35人，當中沒有人報稱出現日本腦炎病徵；至於46歲男捐血者的妻子，需接受血液化驗，至今沒有發現異常情況。
■記者彭愷欣