【好睇過TVB】 最愛神軒，熱情，勤奮，由畀人鬧係水貨，到接謝拉特棒。佢唔係超級巨星，但就是喜歡他那種低調。
嚟咗香港三日，企咗幾十個鐘，幾乎次次都摸門釘。機場我企左邊佢簽右邊，之後去到酒店又喪同人Selfie。我去麥花臣佢就喺酒店門口大簽特簽，到我去酒店門口等，佢又出咗去將軍澳任影唔嬲。一次又一次錯過，睇住一個個朋友喺谷度share，簽名嘅簽名影相嘅影相，我幾日攞住個大紙牌儍仔咁走嚟走去得個吉。
到球賽當日坐球迷會看台佢都冇行過嚟，之後完場飛車去酒店我啱啱落車佢就啱啱好簽完返入酒店，嗰刻真係灰到爆。到第四日本來話佢一點半會去到旺角有event，我就十二點出到去，之後話delay到五點半，又淋下雨曬下太陽等，廁所都冇去，企到差唔多六點佢嚟到，簽晒前面嗰堆人就上咗去event冇理到我，到佢走嗰陣又喺我面前掂行掂過，去咗簽其他人，離遠見佢回身向我揮揮手，以為自己眼花，果刻直頭灰到貼地，點知佢上咗車一陣就pm同我講話sorry因為「食Q」催佢要走，叫我喺酒店等佢！嗰一刻我真係以為自己發緊夢......
去到酒店門口，見到人話佢哋喺Starbucks，攞埋個牌過去，見佢回首一笑，指指上面，再畀隻手指公我，就即刻滾返上酒店，一路等啲谷一路send訊息嚟話佢地喺下面大簽特簽，諗緊自己係咪又做錯決定之際，軒send個msg嚟話im coming!!!! 咁就梗係落後門等啦，點知「食Q」哥哥係咁叫我走，話唔會行呢度，冇嘢好等，你係咪唔識聽中文，遮住酒店招牌，死死地氣攞住個牌行開兩步，後面一隻手叠落我搏頭，正想另轉身hi人之際.......原來嗰個係神軒個「食Q」，嚟叫我入去..........Never Lose Hope and You'll Never Walk Alone!!!!!!!!
文：Die Hard利物浦球迷