周四國冠盃美國賽區大戰，曼市打吡戰喺德州上演，雙方球員今場着起印有工蜂圖案嘅球衣，示意兩隊團結一致支援五月曼市恐襲嘅遇難者，之後亦會進行慈善拍賣為基金會籌款。曼聯憑「新黑雙煞」盧卡古（左）同拉舒福特（右）上半場一人一球，紅魔就咁2:0贏派出新兵門將艾達臣摩拉斯同右後衞基爾獲加擔正嘅曼城，今夏喺美國三場熱身賽全勝。