毛記主播東方昇（王嘉偉）今年4月跟團到北韓旅遊，其間除犯禁偷影軍人、晚上偷偷溜出入住酒店外，更玩facebook直播。近日他為此行出新書《北韓包膠》，日前他接受本報專訪，對於被指玩命，東方昇聲稱沒有踩界行為，並謂：「屋企人都擔心會唔會一啲事就俾人捉咗，但入咗去之後，發覺係好安全地方，導遊話北韓冇罪案發生過。」
可想過玩fb直播隨時「走唔到」？東方昇說：「佢冇講過唔准玩，佢哋可能唔知道有fb。」對於拍軍人，他說：「冇人叫你兜口兜面微距影，其實你只要偷偷咁影，佢根本都吹你唔脹。」可想過會連累團友或領隊？東方昇說：「拍片之嘛，如果佢stop我咪停止囉，我唔會反抗。」美國大學生瓦姆比爾（Otto Warmbier）到北韓旅遊送命，東方昇說：「佢冇公平審判，刑罰非常之重。」昨日東方昇在會展為新書舉行簽名會，說到前日拿新書追擊特首林鄭月娥，但對方未有收下，他說：「我已好禮貌雙手送書，佢又唔要，冇乜禮貌。」
採訪：皓騫、王連連
場地提供：Big Echo ibox
