香港女首富甘比與普通女士一樣，都是甜食愛好者，經常被捕獲帶仔女食雪糕，又經常在Ig騷享用過的精美蛋糕甜品。
有「奇蹟之班戟」稱號的東京FLIPPER'S登陸香港，選址希慎廣場的i.t Blue Block概念店內開舖，甜食粉絲甘比昨日帶仔女朝聖，搶先在下星期五正式開幕前食到這個人氣班戟。
甘比食完後即在Ig po相，見她一次過試晒5款甜班戟，包括期間限定的蜜瓜班戟，被sticker遮面的囝囝似乎獨享士多啤梨藍莓香蕉班戟。一次過試了多款，連她都認為瘋狂，留言：「好瘋狂，一次過試晒咁多款pancake，好好味，小朋友超喜愛。」不但堂食，她還帶走多款班戟批，表示：「can't wait to try the pancake next week too」相信她會再帶仔女去光顧。