高皓正02年入街做DJ、主持，而佢喺08年仲殺埋入樂壇做歌手，佢第一隻專輯仲有多首福音歌曲，唔止齋唱o架！佢仲填詞兼作曲，佢填詞代表作就有《Mr. Cool》、《親朋勿友》、《黃金入球》等，不過都唔夠呢首由佢主唱收錄喺佢唯一嘅專輯入面嘅《不要驚動愛情》，真係唱到街知巷聞o架！不過係由Sammi鄭秀文翻唱。
不過講到大家對佢最熟識嘅，就係佢講嘅嘢，佢喺圈中係出名嘅教徒，仲引申出唔少話題。
佢嘅偉論中包括喺2013年佢喺facebook嘅「原諒共產黨」論，仲話：「聽說有很多很多共產黨員，都因著他們的愛與信心歸信了基督！」留言一出被受網民評擊。事隔數月，佢又喺fb分享「脫離自瀆小貼士」，仲列出10點，都不外乎係叫你唔好睇色情網站，唔畀自己「享受」自瀆，甚至連性幻想都冇埋咁話。
唔止咁，佢甚至質疑進化論，又列出七個問題，當中最爆就係問到如果人類係由猴子進化而成，點解猴子o依家仲存在啦咁話。事後佢仲被學者批評「不只是認識不足，而是徹底無知」。