2017年7月20日下午4點18分，一班實習生正式接管咗有「Package男神」之稱嘅青年事務委員會主席劉鳴煒……嘅facebook專頁。發生緊乜事？
劉鳴煒嘅專頁噚日突然貼出一張劉鳴煒版本嘅「繼續吹」相，上面用英文寫住「是時候由實習生管理這個專頁」，除咗接管嘅公告外，男神嘅專頁亦喺噚日5點幾再留言話，「青年政策咩嚟㗎？食得㗎？」又有一張相，解釋佢哋做緊青年政策係乜。按張相嘅講法，喺政府眼中，佢哋嘅青年政策可以話係革命；而喺中環人眼中只係開緊P等。而喺佢哋自己眼中，佢哋係「愚公移山」，實際上則係苦惱地開緊會。網民嘅初步反應都幾受落，大家即管拭目以待。