大媽舞都變運動項目？唔係同你講笑，呢隻所謂嘅廣場舞，已被列入第13屆中國全運會比賽項目中。
據《中國新聞網》記者由「我要上全運」全民健身網絡競賽活動的新聞發佈會上，得悉呢個消息，仲話廣場舞係舞蹈藝術中最龐大嘅系統，呢種因在廣場聚集而得名、將自娛同表演融為一體嘅舞蹈，已經逐漸成為最受民眾歡迎嘅一種休閑娛樂健身活動，現在被納入比賽項目，證明官方對呢種舞蹈嘅肯定。
報道又話50多年歷史嘅全運會，近年隨住國家體育改革，功能同價值觀一直改變緊，希望可以有多元發掘及展現，增設更多群眾可以參與嘅項目，好似今年就19個項目開設群眾性嘅比賽，包括馬拉松、羽毛球、國際跳棋及乒乓球等，而大媽舞亦喺呢種背景下應運而生。