【本報訊】環保協進會懷疑電路板與1999年一宗棄電路板於沙灘的事故有關。生態教育及資源中心科學事務經理張瑪珊表示，電子垃圾會釋放「持久性有機污染物（POP）」、重金屬鉛等污染物，「POP你當佢好似油質嘅嘢，好容易就進入食物鏈，例如俾啲藻類吸食」。她又指，當污染物進入食物鏈時，對人體健康亦造成損害，包括致癌等後果。
食用或致癌
她稱，過去有研究指，一塊電路板可釋放幾十種化學物，情況不容忽視，「最快睇到（影響）係最近嘅植物會死晒……同埋如果蟹仔感染咗，之後俾雀仔食，咁雀仔食完就飛走，有可能將污染物傳出去」。她指，不少人於汀角一帶挖蜆，「挖蜆通常都會挖啲大隻，跟住你又食啲大隻，咁其實都有可能會將儲存嘅重金屬、污染物食咗」，提醒公眾不要進食該帶的蜆。
張瑪珊指，於去年暑假在汀角一帶附近曾發現十多塊電路板，當時已經清理，但呼籲公眾需在充足保護下方可清理。
她又指，電路板放置沙灘越長時間，環境生態受到越大影響，「海水繼續侵蝕嘅時候，咁佢裏面啲重金屬、POP咪融越多出嚟」，結果是持續影響生態，建議當局應盡快清理，以及檢驗該帶蜆和蟹等樣本，相信更能準確反映實際情況。
■記者張文鈴