前特首董建華家族上周終決定把家族生意「貢獻」國家（雖有溢價，但算是賣了父親心血，也要突破一定心理關口），有傳媒翻舊賬，指基於香港證券及期貨條例2003年改例，持股披露要求由持股10%下調至5%，令長和（001，那時稱長實）是東方海外（316）第二大股東身份曝光。當時在各方壓力下，最終沽出股份。
有前輩跟密西比說，長和於東方海外持股資料，當年的確是在意外情況下「被曝光」。他說：「話雖股權披露嘅修定一早講咗，以李生嘅人力物力同智囊，無理由唔事先搞定單嘢，但現時諗返起當年雙方就持股嘅回應，件事應該係殺咗雙方一個措手不及嘅，又或者咁講，大家都估唔到件事可以搞到咁大。」
前輩續說：「現時睇番轉頭，好大可能係當時政府以至董生民望太低，李生唯有割愛低價沽咗東方海外免閒話……李生向董生賣番嗰9.08%股份，作價4.6億，若果用東方海外賣盤價計，批股份值36億㗎！仲未計過去十幾年億億聲股息！」
李嘉誠「估到個開頭」，但「估唔到個結局」，結果走寶。
密西比