富豪系旗下富豪產業信託（1881）噚日召開特別股東會，雖然羅家爭產風波備受關注，但無阻太子女羅寶文（Poman）心情靚靚見記者，仲好鬼馬咁形容公司資產好似「靚女，自然多人追」，一直有好多offer咁話。
其實富豪系6月舉行股東會，羅寶文都有現身，不過當時爭產風波爆到七彩，家族第三代對記者避之則吉。難得Poman可以好似之前一樣，談笑風生。
噚日有記者問到富豪旗下酒店有無人出價收購，羅寶文就大讚旗下酒店地理優越，又高質，好似「靚女自然多人追」，收到好多offer。
講到多人追，羅寶文作為靚女富三代，大家都關心佢嘅感情事，佢早前講過「感情隨緣」，希望佢快啲搵到有緣人喇！