周三舉行嘅美洲金盃八強賽，東道主美國憑奧馬干沙利斯同列查積入波，以2:0輕取薩爾瓦多，下周日將會喺四強硬撼哥斯達黎加。不過比賽期間，薩爾瓦多後衞亨利羅美路喺57分鐘從後攬住美國嘅艾迪杜里伸手搣對方乳頭，之後仲從後咬艾迪杜里膊頭。雖然都逃過球證法眼，但中北美洲及加勒比海足協就證實佢仍然有可能被秋後算賬，面臨紀律處分。