以黃浩牽頭的財團W Bros. Investments Ltd.收購壹傳媒旗下多本雜誌，包括香港及台灣《壹週刊》、《FACE》及《忽然1周》，交易涉款5億元。若獲股東大會通過，料9月完成交易，壹傳媒創辦人兼大股東黎智英表示對賣盤「都好傷感」。
身在日本的黃浩昨午接受本報電話訪問，他強調壹仔將繼續幫巿民發聲，不會向惡勢力或強權低頭，但他補充：「唔可以憑住呢個光環耍官威，睇唔順眼就寫人唔好。壹仔過往做得咁好，因為有一班員工維繫呢份核心價值，不過樹大有枯枝，我會盡量監察，唔容許員工戴有色眼鏡去自我審查。」
對於今次收購《壹週刊》，有員工已表明「唔會幫佢打工」，黃浩說：「每個人有佢嘅自由，鍾意跟邊個上司或老闆，我立場係會畀心機做好件事，我想員工可以留低。」黃浩講到《壹週刊》會否被染紅：「我唔會限定乜嘢顏色，我唔反對民主，亦唔支持反共。」
採訪：楊定