講到意甲嘅不羈球星，前意大利國腳卡斯辛奴可謂表表者，唔好以為佢年屆三十有五就會學識做個「世界仔」，明明上個禮拜先搵到意甲升班馬維羅納落班，點知踢咗八日就話想多啲陪屋企人而退役。不過，最峯迴路轉在於維羅納周二下晝同卡斯辛奴舉行記者會，點知佢突然轉軚聲言來季會繼續踢，仲話想創造職業生涯最後奇蹟。轉軚係樣衰咗啲，但相信維羅納球迷唔會介意嘅！