皇家馬德里球星基斯坦奴朗拿度（C朗）趁暑假同女友佐真娜去度假，據傳媒影到嘅相，都見到佐真娜嘅肚明顯凸起。雖然各地傳媒都話佐真娜有咗，但C朗一直唔肯認。不過，不認還需認，西班牙《世界報》周二報道指，C朗喺訪問中首次承認女友懷有佢嘅骨肉，仲話自己又做爸爸好開心㖭。據英國傳媒透露，佐真娜同C朗嘅愛情結晶品將會喺年底出世，到時C朗真係可以一年抱三。