一提到錢，大家就好肉緊，好似4名民主派議員被褫奪議席後，唔少人焦點係佢哋使唔使回水，夾埋涉款估計近1,200萬。建制派內部對此意見不一，有人覺得4議員過去一段時間確實有履行職務，在情在理無奶油全面回水。
立法會前主席曾鈺成噚日出席公開活動後亦被問到呢個問題，佢話行管會當然有酌情空間處理，個人亦毫不懷疑4議員過去做咗大量工作，但強調裁決清晰列明4人去年10月12日未能完成宣誓、即日已失議員資格，唔可以行使及享有議員待遇，所以坊間話佢哋嘅表決有效、追討薪津唔合理說法唔成立，指《立法會條例》第17條只保障立會程序唔會因議席出缺受影響，冇講明被褫奪議席人士嘅薪津問題喎。