由邱禮濤執導、張智霖（Chilam）、吳鎮宇、佘詩曼及周秀娜等主演的電影《洩密行者》，昨日於啟德郵輪碼頭舉行開鏡拜神儀式。娜姐日前被發現與已婚好友監製黃永峰結伴睇戲，她昨日指大家相識多年，自己不會做第三者：「梗係知佢有太太，識咗幾年，好多朋友約食飯見面，唔會特登避忌，可以叫埋佢太太，而且我唔會選擇有太太嘅作為對象。」
張智霖與吳鎮宇在戲中演警察，佘詩曼則演記者，鎮宇說：「我哋唔係動作明星，動作交由動作演員包辦，我哋都係飛車開槍、衝落山咁。」Chilam指自己有份參與動作戲，但不及馬來西亞演員搵命博。
採訪：張俊銘
攝影：仇志德