現年95歲的「天空小說」講古宗師、在無綫處境劇《香港八五》演相學家「覺悟因」的李我入院！前晚劉天賜在社交網披露消息，李我的太太蕭湘衣不解帶照顧，好友陶傑、丁羽和鄧英敏夫婦都往探望，幸相中的李我叔開心地笑，精神不錯。
李我叔的兒子透露，父親因為吃了糯米雞，消化不良才入院：「𠵱家食到嘢，仲話要食乾炒牛河、豉椒牛河，阿媽話邊度食得辣椒呀！咁就菜遠炒牛河啦。」他表示父親入院數日，問到李我叔是否很想回家？他說：「佢想出去行吓睇吓，成日要食糯米雞，食咗糯米雞消化唔到，醫院開加營素，嗰啲冇味，佢唔鍾意囉。」
眼睩睩豎手指
昨晚記者到醫院內科病房探李我叔，他精神很好，湘姨說：「佢今日好啲，唔使抽血，有得食粥同飲加營素。」問到李我叔幾時可出院？湘姨說：「冇咁快，佢都一把年紀，好在佢好精神認得人。」李我叔全程眼睩睩地聽，跟記者打招呼時更精靈地豎手指公，問是否想吃乾炒牛河？李我叔笑，湘姨說：「等佢好番就可以食。」而湘姨每日會來回醫院兩次探望。
陶傑讚記性好
丁羽大前日探望好友，對於有傳李我叔患老人癡呆，丁羽否認：「黐線！佢入院前仲識寫啲詩畀我哋。」跟李我叔同為文化人的陶傑，兩人經常在飯局碰面，陶傑昨在電話中指印象最深刻是李我叔的記憶力：「粵語片時期娛樂圈嘅嘢佢都記得晒，白燕、吳楚帆、張英、張活游都記得，佢有好多娛樂圈秘史，不過上次去飯局李我叔年紀大咗，冇乜嘢講。」
採訪：曹家誠、皓騫、何永寧
攝影：沈健程