傳媒行業步入寒冬，好多機構都凍結招聘，不過八方就留意到港台仲密密請記者，最近仲一次過請兼職初級記者同助理記者兩個post㖭。高級記者同首席記者呢啲職銜就聽多，連記者都分初級同助理，真係甚少聽聞。
請兼職初級記者嘅係電台部公共事務及多媒體新聞組，即係早前爆出請咗30名自僱人士嘅部組。今次呢個職位係以非公務員合約條款聘任，唔係自僱，日薪有400蚊呀，目標係仲讀緊書嘅大專生；至於助理多媒體記者就係英文新聞及時事組，主要擔任編輯職務，月薪由18,840蚊至22,560蚊，人工隨時高過唔係助理嘅記者㗎。港台發言人話，呢兩個post其實以往試過公開招聘，唔係新職位嚟㗎。