如早平時有留意開名牌產品消息，應該都知道Louis Vuitton會同潮牌Supreme玩聯乘，而且今次還是兩大牌子首度攜手合作。今次這個Autumn-Winter 2017系列，推出產品非常多，由背包、太陽眼鏡，甚至旅行喼都一應俱全！以為有錢就可以買得起？可以說只答啱一半。
據知今次Autumn-Winter 2017系列，是以限量手法推出，如果你是一般消費者，就要一直留意官網，因為Louis Vuitton會突然發佈開訂，而且就算俾你成功登入訂到，及後還要經過抽籤決定，今次還要是全球性網上訂購，成功率可說非常低。不過當然，如果你一直是Louis Vuitton忠實客戶，甚至已成他們的VIP甚或VVIP，他們亦會反過來問你需要哪幾款產品呢！以美國VVIP客戶為例，以過百萬美金的每年消費額，就可以尊享這特別禮遇，相信香港一般消費者，真係好難享有！加上網上開訂活動已經完結，如果想後追者，可能要捱炒價了。
據知在旺角信和有小量Louis Vuitton × Supreme的iPhone 7 Plus手機套到貨，原本網上標價為$3,500，不過現在剛到貨的炒價，已急升上$5,000，而且有部份還是預先訂貨，Walk-in客想買的難度會更高一點；不過點都好，預計iPhone 8今年內推出，而且好大可能會改款！為咗一個機套，而迫於改買無改款的iPhone 7s Plus又是否值得？大家買套前真係要想清楚。
查詢：電器士多（旺角彌敦道582-592號信和中心M樓M9號舖）
記者：朱崇德
攝影：王國輝
2017果籽繼續認真知味。識買惜用。行以求知。好事多為。重修舊好。
緊貼果籽報道，即like： http://fb.me/AS.AppleDaily