世界游泳錦標賽第四日比賽，中國再添多兩金，先有施廷懋同昌雅妮嘅組合，喺女子雙人三米板以333.30分，擊敗加拿大及俄羅斯等組合勝出，幫中國實現呢個項目九連冠。之後就到男子組上場，有陳艾森同楊昊喺跳水雙人10米高台以498.48分再攞金。中國暫以五金四銀喺獎牌榜領先，而俄羅斯就四金三銀一銅居第二位，但游水項目未開始，即係話獎牌大國美國未出招。