周三喺大球場上演嘅英超亞洲挑戰盃，利物浦將會同水晶宮對撼爭入決賽。亞洲挑戰盃帶來的連鎖效應，帶旺波衫銷情。
有球衣店負責人表示：「利物浦波衫目前來說都是沒有貨，供應商都指沒有貨。」件波衫喺香港咁好賣，因為利物浦嚟左香港啊！負責人繼指：「本身香港球迷多 適逢125週年來香港參與英超亞洲盃，銷情非常好，暫時印字來說都是古天奴和法明奴就比較多一點，其他都很平均，好像軒達臣及拉爾拉拿都很平均。」
利記波衫就冇哂貨，英超亞洲盃嘅波飛就仲誇張，波飛開售唔夠一日沽清。截至禮拜二晚，透過中介網站StubHub買原價720蚊嘅波飛，最貴炒到4880，足足貴咗六倍
無飛嘅朋友都唔駛失望，6點半就先有李斯特城對西布朗，8點就有利物浦對水晶宮，樂視同nowTV都有直播。當然氣氛就唔夠四萬人迫爆大球場咁好啦！