現年39歲嘅林雅詩出道多年，喺1997年參選香港小姐不過未能擠身12強，其後喺大台拍過幾套電視劇集做下閑角，之後仲一度退出娛樂圈，不過就被王晶拉返嚟開始拍電影，仲有唔少性感鏡頭，浮沉多年，仲經歷過婚姻失敗嘅佢，今年就出咗本寫真集，硬撼其他小妹妹。
佢本寫真集《LOST》就寫到明係「十年實況寫真」，仲話根據真實經歷改編創作，而喺佢本寫真集嘅尾頁，林雅詩仲寫咗一段自白，講到入行咁耐嘅風風雨雨，呢近十年嚟嘅感受等，仲寫咗唔少對傳媒嘅控訴例如：「媒體就是喜歡點題放大，而觀眾又受落、津津樂道。」、「事情沒去理解，媒體單方面的抨擊、抹黑、破壞。」
而憑主持旅行節目《Go! Yama Girl》及《山系女行Yama Girl》而備受廣大觀眾關注嘅曹思詩，今年亦有推出寫真集《Sexy on the Beach》，書中大賣健康性感之餘仲介紹埋全香港嘅沙灘景點，寫真集入面仲換咗好多套泳衣，非常吸引。