新地（016）旗下ICC嘅「天際100」最近推出「天際時光機」主題活動，玩懷舊兼集體回憶；又可能見到香港最近成日暴雨，為免大家一場去到，無景睇，佢哋準備咗VR（虛擬實景）眼鏡，山長水遠上去天際100有App睇，認真貼心。
只要客人戴住眼鏡，配合天際100個App，就可以切換到唔同嘅景觀，轉左轉右又得，日頭轉夜晚又得，就連陰天轉晴天都得，得咗! 而且，個App好似地圖咁，會顯示到大廈名稱同簡介，仲有短片，真係好得。
至於「天際時光機」，就係玩懷舊，擺咗街舖、屋邨、士多、理髮店等場景，方便大家影相po上facebook。其中一個展區名為「獨有的紅van」，以小巴水牌手寫師傅麥錦生嘅作品做背景，寫上好多香港地區同屋邨名，呢個夠特色。